Friday, October 2, 2015

பரிதவிக்கும் பண்பாடு !



பண்பாடு ! பண்பாடு !
காலச் சக்கரத்தின் சுழற்சியில்
காணாமல் போனவற்றின் பட்டியலில்
முதலில் நிற்கிறது பண்பாடு !
சிற்றுயிருக்கும் உணவளித்த
அரிசி மாக்கோலமும்
கல் மாக்கோலமாகி
காலத்தின் கோலமின்று
விலைக்கு வாங்கும்
ஒட்டுப் படங்களுள்
தஞ்சமடைந்தன  - கோட்டுக்
கோலங்களும் நெளி கோலங்களும் !
உடற்பயிற்சியோடு மூளைக்கும்
பயிற்சி கொடுத்த கோலங்கள்
இன்றோ - ஒரு சிலருக்கு மட்டுமே
கைவந்த கலையாய் !
ஒரு காலத்தில்
வாசல் நிறைத்த கோலங்கள்
இன்று வீடுகளும் மனங்களும்
தீப்பெட்டிகளாய் சுருங்கிட
கோலம் போட வாசலுமில்லை !
பண்பாடு பேசிய வீடுகளெலாம்
கருக்கலுக்கு முன் காலியாகி
பின்னிருளில் வந்தடையும்
விடுதிகளாய் உருமாறிப் போக
பண்பாடும் இங்கே பரிதவிக்கிறது !
கைகொடுத்து மீட்டெடுப்பார் யாரோ ?

 குறிப்பு:

ஒட்டுப் படங்கள் -  Stickers

படத்திற்கு நன்றி, விக்கிபீடியா


உறுதிமொழி

இப்படைப்பு, “வலைப்பதிவர் திருவிழா-2015” மற்றும் தமிழ்இணையக் கல்விக்கழகம் நடத்தும் “மின்தமிழ் இலக்கியப்போட்டிகள்-2015“ வகை-(4)    புதுக்கவிதைப் போட்டி- முன்னேறிய உலகில் பண்பாட்டின் தேவை குறித்த புதுக்கவிதை போட்டிக்காக எழுதப்பட்டது  என்று உறுதிமொழி அளிக்கிறேன்.

 இப்படைப்பு இதற்கு முன் வெளியான படைப்பல்ல, முடிவு வெளிவரும் வரை வேறு இதழ் எதிலும் வெளிவராது என்றும் இதன் மூலம் உறுதி அளிக்கிறேன்.

5 comments :

  1. நன்றி...

    நம் தளத்தில் இணைத்தாகி விட்டது...

    இணைப்பு : http://bloggersmeet2015.blogspot.com/p/contest-articles.html

    புதுக்கோட்டை விழாக்குழுவின் சார்பாக...
    அன்புடன் திண்டுக்கல் தனபாலன்
    http://dindiguldhanabalan.blogspot.com

    ReplyDelete
    Replies
    1. அறியத் தந்தமைக்கு நன்றிகள் ஐயா.

      Delete
  2. அருமையான கவிதை சகோதரி...
    வெற்றி பெற வாழ்த்துக்கள்.

    ReplyDelete
    Replies
    1. மனமார்ந்த நன்றிகள் சகோதரரே.

      Delete
  3. விட்டில் இருந்து வருமானம் பார்க்க வேண்டுமா கவலைய விடுங்கள் உடனே நமது பணம்அறம் இணையதளதிற்கு வாங்க அதில் உள்ள ஆன்லைன் வேலைக்கு தேவையான உக்திகளை கற்று கொண்டு உங்கள் வருமானத்தை பெருக்குங்கள்........

    பணம்அறம்

    நன்றி

    ReplyDelete

Related Posts Plugin for WordPress, Blogger...