காணி நிலம்

 

வானுயந்து நிக்குற கட்டடம்

வயலை தான் சூழ்ந்து நிக்குதே !

காணி நிலம் தான் - இதையும்

கட்டடத்துக்கு காவு குடுத்துட்டா

சாப்பாடு போட நாளைக்கு

சாஃப்ட்வேர் வந்திடுமா ?

************

சேற்றில் நாளும் நாங்கள்

கால் வைக்கிறோம்
அன்றாடம் சோற்றில் நீங்கள்

கை வைக்கவே !

எத்துனை எத்துனை

வியர்வைத் துளிகளின்

கூட்டுப் பலன் ஓர் நெல்மணி
இது அறிவீரா மக்களே ?

இரத்தத்தை வியர்வையாக்கி

நாளும் உணவளிக்கிறோம்

பட்டினி கிடந்தாயினும்

உலகுக்கு படியளக்கிறோம் !

மண்ணையும் பொன்னாக்கும்

எம் வாழ்வில் - வறுமை

புண்ணாகி புரையோடியதை

அறிவீரோ நீங்கள் ?

நல்ல காலம் வருமென்று

நாளும் தான் காத்திருக்கிறோம்

வந்து சேரும் நன்னாளும் எந்நாளோ ?

அது எம் வாழ்வில் பொன்னாள் ஆகிடாதோ ?

************