முகிலின் பக்கங்கள்

Sunday, September 18, 2011

நட்சத்திரங்கள்

நீலக் கரும்பலகையில்
இயற்கை ஓவியன்
வரைந்து வைத்த
நிலவு ஓவியத்தின்
ஒயில் கண்டு
யாரவர் அந்த
ஓவியனுக்கு
இத்தனை நட்சத்திர
அந்தஸ்துகளைத் தந்தது??

கண்கவர் வண்ணப் பட்டுடுத்தி
வானத்து தேவதையென
ஒயிலாய் வந்தமர்ந்து
சுற்றத்தாரின் நலம் விசாரிக்கும்
அன்பு நங்கையென
மலர் உறவினர்களைக் கண்டு
நல்லுறவு பாராட்டும்
வண்ணத்துப் பூச்சி!!!

http://eluthu.com/kavithai/39364.html

மெழுகுவத்தி

மௌனமாய் துடித்து
உடலைக் கரைத்து
உயிரை எரித்து
என்னையே நாளும்
மாய்த்துக் கொள்கிறேன் -
உலகிற்கு ஒளியேற்ற!!!
அமைதியாய் அழுதது
மெழுகுவத்தி!!!

தண்ணீர்

மேகமகள் தந்த

மழையென பூமியை

வந்தடைந்து -

மலைகளில் தவழ்ந்தோடி

குன்றுகளில் குதித்தெழுந்து

அருவியென மலையினின்று

துள்ளி வந்து

நிலத்தில் ஆறாக

பெருகியோடி - பஞ்சம் தீர்த்து

குளம் மற்றும் அணைகளில்

தேங்கி நின்று

மண்ணிற்கு வளம் சேர்த்து

பிறவிப் பயனடைந்து -

கடலைச் சேரும்

அமிர்தம் - தண்ணீர்!!!
http://eluthu.com/kavithai/46177.html

Thursday, September 15, 2011

உலகிற்கே படியளக்கும்
அற்புத எஜமானர்கள்....
தாவரங்கள் தம்மகத்தே கொண்ட
காக்கும் கடவுளர்கள்....
பாற்கடலை கடைந்த போது
ஆதிசேஷனின் நஞ்சை ஏற்ற
சிவபெருமான் என-
நாம் கொடுக்கும் நஞ்சை ஏற்று
நாம் வாழ அமிர்தம் வழங்கும்
அன்பு தெய்வங்கள்....
http://eluthu.com/kavithai/39361.html

மெழுகுவத்தி

நம் கண்ணெதிரே
நடப்பதென்ன
கொலையா? தற்கொலையா?
உயிர் நாடியில்
நெருப்பைச் சுமந்து
உடலை உருக்கி
தானே அழியும் நிலையிலும்
உலகிற்கு ஒளி ஏற்றும்
மெழுகுவத்தி!!!
http://eluthu.com/kavithai/39360.html