அழகு !!!

கொஞ்சும் கிளிகளின் அழகை

மிஞ்சி விட்டது உன்னழகு !!!

கொஞ்சம் இந்த ஆரணங்கின்

பார்வை பட்டால் – உலகே கேட்கும்

இவள் காலடியில் தஞ்சம் !!!

http://www.kavithaiprem.in/2013/03/kavithai-ulaa-march-05-2013.html#more 

ஒரு மரத்தின் நாட்குறிப்பேட்டிலிருந்து.....

ஒரு மரத்தின் நாட்குறிப்பேட்டிலிருந்து :

நிலத்துடன் உறவாடி
காற்றுடன் கதை பேசி
மேகத்துடன் நட்பு பாராட்டி
எத்தனையோ புள்ளினங்களை
எம் கரங்களில் தாங்கி
தஞ்சம் கொடுத்து
மனித குலத்திற்கு
எம்மையே அர்ப்பணித்து
தியாகச் சுடராய்
உயிருடன் இருக்கும் போதும்
மரித்து விட்ட பின்பும்
ஏதேனுமொரு வகையில்
பயனுளதாய் - எடுத்த பிறவியின்
நோக்கம் தனை நிறைவேற்றிடும்
நாங்கள் - மண்ணின் மைந்தர்களன்றோ ??
எங்களைக் காத்தல் உங்களின்
கடமையன்றோ மனிதர்களே ??
இன்று உங்கள் சுயநலத்திற்காக
எங்களை காவு வாங்குகிறீர் !!
எதிர்காலத்தில் எமக்காய் நீங்கள்
ஏங்கும் நாட்களும்
வெகு தொலைவில் இல்லை !!
சுதாரித்து எம்மைக் காத்தால்
நாளைய வாழ்வு
வளமாய் எம்முடன் !!!
இல்லையேல் - மரமும்
மனித இனமும் இனி
அருங்காட்சியகத்தில் தான் !!!

http://www.vallamai.com/literature/poems/33034/

இதயத்தின் தூதுவன்

மல்லிகையுடன் என் காதலையும்
மாலையாய்  தொடுக்கிறேன் -
என் கண்ணாளனின்
தோள்களில் சேர்த்து
என் இதயத்தின் தூதுவனாவாயோ
மணிப்புறாவே ???


http://www.kavithaiprem.in/2013/02/kavithai-ulaa-feb25-2013.html

மாயமான 2012

மாயமாகிப் போனது 2012
ஆம் ! - காலத்தின் ஓட்டத்தில்
மாயமாகித் தான் போனது !!!
மாயமாக்கித் தான் போனது -
ஓர் யுவதியின் வாழ்வு தனையும் !!!
மருத்துவம் பயின்று வந்த மலர்
மரித்துத் தான் போயிற்று -
மனதினில் ஈவிரக்கமில்லா
சில ஓநாய்களின்
கொடூர வெறித் தாக்குதலால் !!!
எத்தனை  இலட்சியக் கனவுகள்
அன்று மரித்துப் போயினவோ ?
மனித உருவில் உலவும்
சில மாக்களால் - அந்த வனிதையின்
பெற்றோரின் எத்தனை எத்தனை
ஆசைக்கனவுகள் சுக்கல் சுக்கலாகிப்
போயினவோ ?? - காலத்தின்
ஓட்டம் தனில் தேசத்தையும்
மனித இதயங்களையும்
கொந்தளிக்கச் செய்த சம்பவமும்
மாயமாகித் தான் போனது !!!
இந்நிலையில் 2012
மாயமாகிப் போனதில்
என்ன ஆச்சரியம் ???

http://www.vaarppu.com/padam_varikal.php?id=85 

காதலர் தினம் - ஹைக்கூ

காலையில் காதலின் அடையாளம்
மாலையில் பலர் காலடியில் சின்னாபின்னம்
மௌனமாய் அழும் மலர்கள் !!!



பூவும் பலூனும் விற்றவருக்கு அமோக இலாபம் !
யுவன் யுவதிகட்கோ சேமிப்பெல்லாம் கரைந்தாயிற்று !
அன்று காதலர் தினம் !!!



மென்மையான மலரும் உண்டு
கூரான முள்ளும் உண்டு - ரோஜா
காதல் இரண்டிலும் தான் !!!

அகத்தில் உருவாகி
கண்களில் அரங்கேறும் -
காதல் !!!

அடக்கி ஆழ்வதல்ல
என்றும் அன்புடன்
துணை நிற்பதே -காதல் !!!

http://www.tamilthottam.in/t36340-topic 

காதலர் தினம்

ஆயிரம் மலர்களை
சுற்றி வரும் வண்டுகள்
நினைவில் கொள்வதில்லை - தாம்
எந்தெந்த மலரின் மீதமர்ந்து
வந்தோம் என்று !!!
இன்றைய காதலின் நிலையும் அதுவே !!!
ஒன்றின் மீது சலிப்பேற்பட்டு விடின்
சீ .... சீ.... இந்தப் பழம் புளிக்கும்
என்ற நிலை தான் !!!




நட்பென்ற போர்வையில்
நயமாய்க் காதலை
அரங்கேற்றுவார் -
காதலை உணர்ந்து கொண்டு
பலமாய் எடுத்துரைத்தால்
அதற்கு நட்பு முலாம் பூசி
மூடி மறைத்து விடுவார் !!!
எதுவரை இட்டுச் செல்லுமோ
இந்த நட்பு முலாம் பூசிய காதல் ???




காதலும் காதலிக்கப்படும் பெண்களும்
கைப்பாவை பொம்மைகளா என்ன ??
வேண்டும் வரை காதலித்து விட்டு
அலுத்ததும் -
அலட்சியப் படுத்தவும்
அழித்து விடவும் ....



விரும்பும் இதயம்
என்றென்றும் நலமாய்
வளமாய் வாழ்ந்திட
விரும்புவதே காதல் !!
காதலித்த இதயம்
தனக்கு கிடைக்காவிடில்
அதையே பிளந்தெடுத்து
கையில் ஏந்தி மகிழ்வது
காதலல்ல - குரோதம் !!!!

http://www.tamilthottam.in/t36341-topic#219883

ஒரு மலரின் ஏக்கம் !!

 எழில் கொஞ்சும்
புத்தம்புது மலர்கள்
புன்னகையை உதிர்க்க -
கவிதைகள் பல பேசும்
உன் விழி மலர்கள்
வாடியிருப்பதும் ஏனோ ?

மலரகங்களில் பல நூறு
செலவழிக்க யோசிக்காதவர்கள்
உன்னிடம் சில ரூபாய்கட்கு
பேரம் பேசி நிற்கிறார்களே
என்றெண்ணிக் கொண்டிருக்கிறாயா
பூவழகே ???

http://tamilnanbargal.com/node/49508