ஆயுதம் ஏந்தி நிற்கின்றோம்
ஆத்திரத்திற்கே உரித்தான
சிவப்பாடை உடுத்தியுள்ளோம் !
மங்களம் நிறைந்த
மஞ்சளையும் அணிந்துள்ளோம் !
கோபத்தின் அடையாளம் எல்லாம்
எம் புறத்தில் கொண்டுள்ளோம் !
ஆனால் - அன்பும் கருணையும்
அகத்தில் நிறையவே கொண்டுள்ளோம் !
அமைதியையும் பொறுமையையும்
அதிகமாகவே செயலாற்றுகின்றோம் !
எங்கள் அகத்தையே முகமும்
இங்கே பறைசாற்றுகிறது !
ஆயுதம் சுமந்து நின்றாலும்
அமைதியையே இறைவனிடம்
இறைஞ்சி நிற்கின்றோம் !
சக்தி வடிவம் நாங்கள்
எந்நாளும் ஆக்க சக்தியாய்-
ஊக்க சக்தியாய் திகழ்வோம் !
நானிலம் நலமுடன் விளங்க
நல்லெண்ணங்களை மனங்களில்
வித்தாக்கிடுவோம் !
http://www.vallamai.com/?p=56386
