காடுகள் மலைகள் இறைவன் கலைகள் !!!

இறைவனின் கைவண்ணத்தில்
எழிலான கலைப் பொக்கிஷமென
அழகு சிற்பமென - இயற்கை !!!
அணு அணுவாய் இரசித்து
ஆக்கியளித்த  சிற்பி
மலை மகளுக்கு
மேகங்கள் கொண்டு
அழகிய  கிரீடமணிவித்து
நீர்வீழ்ச்சியால் வெள்ளி
சரிகை  பட்டுடுத்தி
சலசலக்கும்  நீரோடை   தன்னை
வனிதையவளுக்கு கொஞ்சும்
சலங்கைகளாக்கி - வானுயர்ந்த
நீள் மரங்கள் எல்லாம்
மங்கையவள்  கூந்தலாக
வெண்ணிலவும் கதிரவனும்
அவள் கூந்தலில் அசைந்தாடும்
மல்லிகை கனகாம்பரம் என்றாக
இவற்றை ஆக்கியளித்த
இறைவன் - ஈடிணையில்லா
கலைஞன் அன்றோ !!!